30/04/2016 20:03

Azərbaycan və Sloveniya Silahlı Qüvvələri arasında “Mühazirəçi mübadiləsi” tədbiri keçirilib

Azərbaycan Müdafiə Nazirliyi ilə Sloveniya Respublikası Müdafiə Nazirliyi arasında ikitərəfli əməkdaşlıq planına uyğun olaraq Bakıda “Mühazirəçi mübadiləsi” tədbiri keçirilib.

Bu barədə “AzeriDefence”yə Müdafiə Nazirliyinin mətbuat xidmətindən məlumat verilib.

Sloveniya Silahlı Qüvvələrinin nümayəndələri Loen Reçnik və polkovnik Aleksandr Murko tərəfindən Silahlı Qüvvələrin Hərbi Akademiyasında “Balkanlarda mövcud vəziyyət” və “Beynəlxalq missiyalara Sloveniyanın baxışı” mövzularında brifinqlər təqdim olunub.

Tədbirin əsas məqsədi Cənubi Qafqazda və Balkanlarda regional təhlükəsizlik məsələləri barədə məlumat mübadiləsi, o cümlədən Silahlı Qüvvələrimiz arasında dostluq əlaqələrinin möhkəmləndirilməsidir.