20/04/2017 19:00

ABŞ yeni universal döyüş helikopterinin təqdimatını keçirib

ABŞ-ın “Lockheed Martin” şirkətinin istehsalı olan S-97 “Raider” helikopterinin təqdimatı keçirilib.

“AzeriDefence”nin “defensetech.org”a istinadən verdiyi məlumatına görə, helikopterin istehsalı ABŞ Müdafiə Nazirliyinin“Yeni helikopter platformasının (Future Vertical Lift, FVL) yaradılması proqramı” çərçivəsində reallaşıb.

Sələflərini sürətinə görə üstələyən S-97 təkanlı vintin sayəsində qısa zamanda 400 km/saatdan yuxarı sürət yığa və 600-dən çox kilometr məsafəni qət edə bilir.

S-97 “Raider”in ilk təqdimatı 2014-cü ildə olub. Artıq “Raider”in zavod sınaqları yekunlaşıb.

Maşın iki pilotdan əlavə 8 nəfərlik heyəti daşımaq imkanına malikdir. Uçuş tavanı 3 min metr olan S-97 digərlərindən qismən səssiz olması ilə də fərqlənir.

“Reider” yüksək manevr qabiliyyətinə, kəşfiyyat, axtarış-xilasetmə və digər məqsədlər üçün istifadə oluna bilər. Helikopterin özəlliyindən biri də maşının pilotsuz uçuş həyata keçirmək imkanına malik olmasıdır.