24/09/2018 13:29

ADEX-2018: İran hərbi sənayesi Bakıda imkanlarını tanıdır

İran hərbi sənayesi ilk dəfə Bakıda keçiriləcək ADEX-2018 beynəlxalq müdafiə sərgisinə qatılıb.

“AzeriDefence”nin məlumatına görə, İranı sərgidə Müdafiə Nazirliyinin Eksport Mərkəzi təmsil edəcək.

İran Müdafiə Nazirliyinin Eksport Mərkəzinin stendində bu ölkənin hərbi müəssisələrində istehsal edilən müxtəlif elektro-optik müşahidə sistemləri, avionik sistemlər və dəniz vasitələri sərgilənəcək.

Sərgidə İran Müdafiə Nazirliyindən yüksək rütbəli rəsmilərin qonaq qismində iştirakı da planlaşdırılır.

Qeyd edək ki, ADEX-2018 İran və İsrail hərbi sənayesinin tarixdə bir yerdə təmsil olunduğu ilk hərbi sərgidir.