16/10/2017 10:53

ANAMA: Giləzidə 137 ədəd partlamamış sursat aşkar edilib – FOTO

Azərbaycan Ərazilərinin Minalardan Təmizlənməsi üzrə Milli Agentlik (ANAMA) Fövqəladə Hallar Nazirliyi və Daxili İşlər Nazirliyi ilə birlikdə Xızı rayonu ərazisində yerləşən Müdafiə Nazirliyin sursat anbarında baş vermiş partlayışla əlaqədar əməliyyatları davam etdirir.

ANAMA-dan “AzeriDefence”yə verilən məlumata görə, oktyabrın 15-də yerli sakin tərəfindən daxil olmuş zəngə əsasən Giləzi qəsəbəsi ərazisində 1 ferma ərazisinə, həmçinin partlayış baş vermiş hərbi hissənin ətrafına baxış keçirilib. Əməliyyat axtarış zamanı 137 ədəd partlamamış hərbi sursat (PHS), 49 ədəd partlamış-yanmış mərmi qalıqları və 1 400 kq yandırma məhsulu aşkar edilərək götürülüb, nəticə etibarilə 195 000 kv.m (19.50 ha) ərazi yoxlanılıb.

Ümumilikdə, 44 gün ərzində 12 ev, 46 evin həyətyanı sahəsinə, 13 ferma ərazisinə, 40 əkin sahəsinə, 12 otlaq sahəsinə, 2 məktəb ərazisinə, 3 dəmiryolu xətininə, 1 rabitə qovşağına, 1 telestudio ərazisinə, 2 kənd qəbirstanlığına, 1 su kanalına, 1 istixanaya, 1 hərbi şəhərciyə, 1 kənd məscidinin yaxınlığına, su stansiyasına, Bakı-Novorossiysk neft kəmərin Xızı rayonundan keçən hissəsinə, neft quyusunun ətrafına, balıqçılıq və zeytunçuluq təsərrüfatına, eko-turizmin həyətyanı sahəsinə, dəniz sahilinə, taxıl anbarının yaxınlığına yol kənarına, Samur-Abşeron kanalı istismar idarəsinin Taxta körpü-Ceyranbatan kanalının içərisinə, ətrafına, dükerlərə baxış keçirilib.

Əməliyyatlar zamanı 12 415 ədəd partlamamış hərbi sursat (PHS), 5 158 ədəd partlamış-yanmış sursat qalıqları və 37 870 kq yandırma məhsulu aşkar edilərək götürülüb, nəticə etibarilə 46 672 328 kv.m (4 667 ha) ərazi yoxlanılıb.

Bununla yanaşı, Xızı rayonun Giləzi qəsəbəsi, Sitalçay, Yeni Yaşma, Şurabad kəndləri ərazisində 8 868 nəfər yerli sakin arasında mina təhlukəsizliyinə dair maarifləndirmə təbliğatı aparılıb.