25/01/2013 10:18

“Anka” pilotsuz uçuş aparatının qəbul testləri tamamlandı

Türkiyənin TAİ şirkəti tərəfindən hazırlanmış “Anka” pilotsuz uçuş aparatının (PUA) qəbul testləri tamamlanıb. Bu barədə “AzeriDefence”yə TAİ şirkətindən məlumat verilib.Yanvarın 20 və 22-də keçirilən uçuşlara PUA-nın qəbul testi mərhələsi başa çatıb. Yanvarın 20-si saat 9:05-də başlanan uçuş, 200 km-lin link mənzili və 18 saat uçuş müddətinin nümayişi ilə yanvarın 21-i saat 03:15-də gecə həyata keçirilən avtomatik eniş daxil olmaqla uğurla yekunlaşıb.

Konya istiqamətində 40-45 kts sürətli küləkli havada həyata keçirilən uçuşda PUA-nın Esenboğa meydanı ilə təması və koordinasiyası təmin olunub. PUA yanvarın 22-dəki uçuşlarda isə gecə şəraitində avtomatik qalxma və enmə həyata keçirib.

2012-ci ilin oktyabr ayından davam edən qəbul testi mərhələsində 130-a yaxın yer və uçuş proseduru uğurla gerçəkləşdirilib. Sistemin istifadəyə hazır olduğu müəyyənləşib.

2010-cu ilin dekabr ayında həyata keçirilən ilk uçuşundan bu yana, “Anka” 90-dan artıq qalxma ilə toplam 140 saatdan çox uçuş həyata keçirib. Uçuşlarda PUA-nın 26000 fut yüksəklikdə mühərrik, eniş hissələri, çevrəyə nəzarət, buzdan qoruma kimi təməl sistemləri ilə yanaşı, gecə-gündüz görməni təmin edən kamerası, hava rabitəsi, verilənləri qeydə alma və digər sistemlərinin uyğun performansda çalışdığı müəyyənləşdirilib. PUA-nın avtomatik qalxma/enmə, seyrüsəfər və arama qabiliyyəti çətin hava şəraitində sınaqdan keçirilib.

Türkiyə Hava Qüvvələri Komandanlığının ehtiyacı üçün 10 ədəd “Anka” sisteminin seriyalı istehsalına dair müqavilə görüşmələrinin 2013-cü ilin ortalarında tamamlanması gözlənilir.