30/07/2016 20:28

Azərbaycan Ordusunun nümayəndələri “Beynəlxalq Ordu Oyunları-2016″da iştirak edirlər -FOTO

İyulun 30-da Rusiyanın paytaxtı Moskva şəhəri yaxınlığındakı Kubinkada “Beynəlxalq Ordu Oyunları – 2016” yarışlarının rəsmi açılış mərasimi keçirilib.

Bu barədə “AzeriDefence”yə Müdafiə Nazirliyinin mətbuat xidmətində məlumat verilib.

Azərbaycan Silahlı Qüvvələrinin Baş Qərargah rəisinin müavini – Döyüş Hazırlığı və Hərbi Təhsil Baş İdarəsinin rəisi, general-leytenant Nizam Osmanovun rəhbərlik etdiyi nümayəndə heyətimiz “Xəzər Kuboku” və “Tank biatlonu” yarışlarında ölkəmizi təmsil edir.

Bu gün Alabino poliqonunda “Beynəlxalq Ordu Oyunları – 2016” yarışlarının “Tank biatlonu” müsabiqəsinə start verilib.

Azərbaycan tankçılarının da qatıldığı yarışlarda 17 ölkədən 51 tank heyəti iştirak edir. Yarışlarda Azərbaycan tankçıları Т-72B3 tanklarında çıxış edirlər.

Qeyd edək ki, beynəlxalq hərbi oyunlarda 19 ölkədən 121 komanda ümumilikdə quru, hava və dəniz hazırlığı üzrə 23 müsabiqədə yarışır.

3000 nəfərdən artıq nümayəndənin iştirakı ilə 20 hərbi poliqon və 3 dəniz akvatoriyasında keçirilən oyunlar avqustun 13-dək davam edəcəkdir.

herboyun4 herboyun3 herboyun2 herboyun1