25/04/2018 13:47

Azərbaycanda hərbi vəziyyət zamanı KİV-ə qoyulan məhdudiyyətin pozulmasına görə cəzalar müəyyənləşib

İnzibati Xətalar Məcəlləsinə 517-2.15 maddəsinin əlavə edilməsi təklif olunur.

“AzeriDefence”nin APA-ya istinadən verdiyi məlumata görə, Azərbaycan Prezidenti tərəfindən Milli Məclisə göndərilən layihədə hərbi vəziyyətin elan olunduğu ərazidə (ərazilərdə) tətbiq edilmiş kütləvi informasiya vasitələrinin xüsusi fəaliyyət rejiminə əməl etməyə görə, vəzifəli şəxslərin 1000 manatdan 1500 manata qədər, hüquqi şəxslərin isə 6 000 manatdan 8 000 manata qədər cərimələnməsi nəzərdə tutulur.

Layihə Milli Məclisin mayın 1-də və 4-də keçiriləcək ardıcıl plenar iclaslarından birində müzakirəyə çıxarılacaq.