26/06/2013 10:33

“Azərbaycan Respublikası Silahlı Qüvvələrinin 95 illiyi” suvenir markası hazırlanıb

Rabitə və İnformasiya Texnologiyaları Nazirliyinin (RİTN) Azərmarka şirkəti iyunun 26-dan etibarən Azərbaycan Silahlı Qüvvələrinin 95 illiyi münasibətilə “Azərbaycan Respublikası Silahlı Qüvvələrinin 95 illiyi” suvenir poçt blokunu dövriyyəyə buraxacaq. Bu barədə “AzeriDefence” RİTN-in saytına istinadən məlumat verib.

26 iyun Azərbaycan Silahlı Qüvvələri Günüdür. 1918-ci ilin bu tarixində Azərbaycan Demokratik Respublikası Nazirlər Şurasının qərarı ilə ilk müntəzəm hərbi hissə – əlahiddə Azərbaycan korpusu yaradılıb.

Hazırda Azərbaycan Ordusu regionun güclü ordularındandır. Silahlı Qüvvələrin Ali Baş Komandanı Prezident İlham Əliyevin iradəsi və qayğısı sayəsində Azərbaycan Ordusu hazırda güclü maddi-texniki bazaya malikdir və ən müasir silah-sursatla təmin olunub.

Blok üzərində Azərbaycan Ordusunun sərəncamında olan müxtəlif silah növləri əks olunub.

Blokun tirajı 20 min, nominal dəyəri 1 manat təşkil edir.