30/01/2018 14:15

Çin “Əjdaha qanadı”nın yeni versiyasını hazırlayır

Çin Aviasiya Sənayesi Korporasiyası (AVİC) “Wing Loong” (“Pterodactyl” və ya “Əjdaha qanadı”) pilotsuz uçuş aparatının (PUA) yeni modelini hazırlayır.

“AzeriDefence” “Janes” nəşrinə istinadən xəbər verir ki, kəşfiyyat-müşahidə və döyüş tapşırıqlarını yerinə yetirmək məqsədilə hazırlanan yeni PUA “Wing Loong” I-D indeksi alıb.

Yeni PUA-nın 2018-ci il ərzində ilk uçuş sınaqlarının keçirilməsi və ilin sonunda beynəlxalq bazara təqdim edilməsi nəzərdə tutulub. Güclü mühərriklə təchiz ediləcək “Wing Loong” I-D PUA-nın uçuş yüksəkliyi, havada qalma müddəti, daxili və xarici faydalı yük həcmi də artırılacaq.

AVIC-in verdiyi spesifikasiyalara görə, “Wing Loong” I-D PUA-nın maksimum sürəti 280 km/saat, havada qalma müddəti təqribən 35 saat olacaq. Aparatın uzunluğu 8.7 metr, hündürlüyü 3.2 metr, qanad açıqlığı 17.6 metr, maksimal uçuş hündürlüyü 7,500 metr (24,600 ft) təşkil edəcək.