15/02/2017 15:51

Hərbi attaşelər Silahlı Qüvvələrinin Hərbi Akademiyası ilə tanış olublar

Xarici dövlətlərin hərbi attaşeləri Azərbaycan Silahlı Qüvvələrinin Hərbi Akademiyasında olublar.

Bu barədə “AzeriDefence” Müdafiə Nazirliyinin mətbuat xidmətinə istinadən məlumat verib.

Müdafiə naziri, general-polkovnik Zakir Həsənovun təsdiq etdiyi illik fəaliyyət planına əsasən, Azərbycanda akkreditə olunan xarici dövlətlərin hərbi attaşeləri üçün fevralın 15-də Silahlı Qüvvələrin Hərbi Akademiyasına tanışlıq səfəri təşkil olunub.

On beş dövləti təmsil edən 20-dən çox hərbi attaşelik aparatının nümayəndələri akademiyanın tədris fəaliyyəti ilə tanış olub, onlara təhsil müəssisəsi haqqında brifinq təqdim edilib və maraqlandıran suallar cavablandırılıb.

Hərbi attaşelər ziyarətin yüksək səviyyədə təşkilinə görə, Müdafiə Nazirliyinin rəhbərliyinə minnətdarlıqlarını bildiriblər.