14/09/2015 10:58

Heydər Əliyev adına Azərbaycan Ali Hərbi Məktəbində kursantların andiçmə mərasimi keçirilib – FOTOLAR

Heydər Əliyev adına Azərbaycan Ali Hərbi Məktəbinə daxil olan kursantların andiçmə mərasimi keçirilib.

Müdafiə Nazirliyinin mətbuat xidmətindən “AzeriDefence”yə verilən məlumata görə, hərbi məktəbin şəxsi heyətinin, kursantların valideynlərinin iştirakı ilə keçirilən təntənəli mərasimdə Döyüş Bayrağı hərbi marşın sədaları altında sıra meydanına gətirilib.

Ümummilli lider Heydər Əliyevin və Azərbaycanın suverenliyi, ərazi bütövlüyü uğrunda şəhid olanların xatirəsi bir dəqiqəlik sükutla yad edilib və Dövlət Himni səsləndirilib.

Təntənəli mərasimdə çıxış edən Heydər Əliyev adına Azərbaycan Ali Hərbi Məktəbinin rəisi polkovnik Fizuli Salahov hərbi andı qəbul edən hər bir kursantı və onların valideynlərini səmimi qəlbdən təbrik edib, Vətənimiz Azərbaycana, onun xalqına layiqli övlad olmağı, daim Vətənin keşiyində cəsarətlə dayanmağı arzulayıb, çətin və şərəfli hərbi xidmətdə gənc kursantlara uğurlar diləyib.

Kursantlar təntənəli şəkildə Vətənə sədaqət andı içdikdən sonra hərbi marşın sədaları altında tribuna önündən keçiblər.

Sonra valideynlər hərbi məktəbdə kursantlar üçün yüksək səviyyədə yaradılan təlim-tədris, məişət şəraiti və ərazi ilə tanış olublar.

 

aahm02

 

aahm03

aahm04aahm05aahm06aahm10