28/02/2017 14:27

İran Rusiyadan yeni təyyarələr alır

İranla Rusiya arasında “Suxoi” aviasiya şirkətinin istehsalı olan “Superjet 100” təyyarələrinin alınmasına dair saziş imzalanıb.

“AzeriDefence”nin məlumatına görə, bunu açıqlamasında İran-Rusiya hökumətlərarası iqtisadi komissiyanın həmsədri, Rusiyanın energetika naziri Aleksandr Novak deyib.

O deyib ki, razılaşmaya əsasən Rusiya İrana 12 ədəd “Superjet 100” təyyarəsinin satılmasını həyata keçirəcək.

Aleksandr Novakın sözlərinə görə, Rusiya İrana İl-114 təyyarəsinin birgə istehsalına başlamaq barədə də təklif irəli sürüb.

Xatırladaq ki, “Superjet 100” (SSJ100) təyyarəsi 98 sərnişin üçün nəzərdə tutulub. Uçuş məsafəsi isə 4,4 min km-dir.