27/11/2017 18:03

İslam Hərbi Koalisiyası müdafiə nazirlərinin ilk iclasını keçirib

Riyadda Səudiyyə Ərəbistanı başda olmaqla rəsmən İslam Hərbi Koalisiyası elan edilib.

“AzeriDefence”nin “Amerikanın Səsi”nə istinadən verdiyi xəbərə görə, koalisiyaya Pakistanın keçmiş ordu komandanı Rahil Şərif rəhbərlik edir.

İslam Hərbi Koalisiyası bu gün müdafiə nazirlərinin ilk yığıncağını keçirib. Səudiyyə Ərəbistanının həm də müdafiə naziri olan şahzadəsi Məhəmməd İbn Salman anti-terror koalisiyanın iclasını keçirib.

41 ölkənin qoşulduğu koalisiyanın rəsmi bəyanatında bildirilib ki, üzv ölkələr qlobal terrorizm və zorakı ekstremizmlə mübarizədə koordinasiyalı şəkildə fəaliyyət göstərəcək.

“Görüş koalisiyanın işinin rəsmi başlanğıcına və üzv ölkələr arasında əməkdaşlığı möhkəmləndirilməsinə təməl qoydu”– deyə sənəddə bildirilir.

R.Şərif görüş iştirakçılarına müraciətində bildirib ki, koalisiya anti-terror əməliyyatları və üzv ölkələrin kəşfiyyat məlumatlarının mübadiləsi yolu ilə terrorizm əleyhinə mübarizəyə platforma olacaq.

Koalisiyanın tətbiqi Pakistanda diqqət mərkəzindədir. Pakistanlı skeptiklər koalisyanın işinə qruplaşma kimi şübhə ilə baxır və bunu İran, Suriya və İraq kimi ölkələrə qarşı koalisiya hesab edir.

Qurumun tərəfdarlı koalisiyanı müsəlmanların NATO-su adlandırıb.