14/11/2018 12:45

KQHO növbəti mərhələsi ilə bağlı dinləmə keçirilib

Müdafiə nazirinin birinci müavini – Silahlı Qüvvələrin Baş Qərargah rəisi general-polkovnik Nəcməddin Sadıkov komanda-qərargah hərb oyunlarının (KQHO) növbəti mərhələsi ilə bağlı dinləmə keçirib.

Bu barədə “AzeriDefence”yə Müdafiə Nazirliyinin mətbuat xidmətindən məlumat verilib.

Döyüşü idarəetmə mərkəzində əməliyyat şəraiti ilə bağlı vəzifəli şəxslərin məruzələri dinlənilib, əməliyyatın keçirilməsi zamanı qoşunların idarə edilməsi və qarşılıqlı fəaliyyətinin təşkili məsələləri icra edilib.