31/12/2016 11:02

Norveç şirkəti F-35 üçün uzun mənzilli raket yaradıb

jsm_raket_HHQ

Norveçin “Kongsberg” şirkəti F-35 döyüş təyyarəsi üçün yaradılan JSM (Joint Strike Missile) raketinin ilk uzun mənzilli uçuş testlərini tamamlayıb.

Bu barədə “AzeriDefence” “Kongsberg” şirkətinin saytına istinadən məlumat verib.

F-16 C/D döyüş təyyarəsi ilə keçirilən atış sınaqları zamanı JSM müəyyən olunan bütün testləri uğurla keçib.

Məlumatda o da qeyd olunub ki, JSM dəniz NSM raketinin (Naval Strike Missile) bazasında hazırlanmış çoxməqsədli raketdir.

Norveç Müdafiə Nazirliyi və digər şirkətlərlə əməkdaşlıq çərçivəsində yaradılan yeni raket F-35 təyyarəsində tətbiq ediləcək yeganə gəmi əleyhinə raketdir.

F-35 daxili silah bölmələrində iki belə raket daşıya biləcək. JSM 280 kilometrə qədər məsafədə gəmilərə qarşı tətbiq edilə bilər. Raket həmçinin yerüstü güclü zirehə malik hədəflərin məhvi üçün istifadə oluna bilər.

Xəbər Lenti