16/11/2017 20:28

Özbəkistan müdafiə naziri Azərbaycanda hərbi hissəni ziyarət edib – FOTO

Müdafiə naziri, general-polkovnik Zakir Həsənov və Azərbaycanda rəsmi səfərdə olan Özbəkistanın müdafiə naziri, general-mayor Abdusalom Azizov noyabrın 16-da hərbi hissəni ziyarət ediblər.

Bu barədə “AzeriDefence”yə Müdafiə Nazirliyinin mətbuat xidmətindən məlumat verilib.

Əvvəlcə qonaqlar hərbi hissənin ərazisində ucaldılmış ümummilli lider Heydər Əliyevin büstü önünə gül dəstələri qoyulublar.

Müdafiə nazirlərinə hərbi hissə haqqında ətraflı brifinq təqdim edilib, şəxsi heyət üçün yaradılan şərait ilə praktiki tanışlıq keçirilib.

Əsgər yeməkxanası, yataqxanalar, inzibati və xidməti otaqları ziyarət edildikdən sonra qonaqlara hərbi hissənin silahlanmasında olan hərbi texnika, silahlar və digər döyüş vasitələri barədə ətraflı məlumat verilib.