02/02/2018 11:36

Rusiya İraqa T-90S tanklarının ilk partiyasını göndərib

Rusiya İraq Silahlı Qüvvələrinə T-90S tanklarının ilk partiyasını göndərib.

“AzeriDefence”nin məlumatına görə, Leninqrad vilayətinin Ust-Luqa limanında T-90S tanklarının gəmiyə yüklənməsi ilə bağlı video material yayılıb.

“Uralvaqonzavod”un 2017-ci ilin hesabatında göstərilib ki, 73 ədəd T-90S tanklarının ilk partiyasının İraqa göndərilməsi bu il üçün prioritet məsələdir.

Xatırladaq ki, TASS xəbər agentliyinin 2017-ci ilin noyabr ayında Rusiya Müdafiə Nazirliyinə istinadən yaydığı məlumata görə, hərbi-texniki əməkdaşlıq çərçivəsində Rusiya İraqa T-90S tanklarının çatdırılma müqaviləsini reallaşdırır. Müqavilə hər iki ölkə tərəfindən təsdiq edilmiş qrafikə uyğun olaraq həyata keçirilir.