04/12/2017 14:36

Rusiyanın Xəzər flotiliyası antiterror təlimlər keçirib

Rusiya Hərbi Dəniz Qüvvələrinin Xəzər flotiliyasının hərbi qulluqçuları antiterror təlimlər keçirib.

Bu barədə “AzeriDefence” Rusiya Müdafiə Nazirliyinə istinadən məlumat verib.

Təlimlərdə plana uyğun olaraq, qeyri-qanuni silahlı qruplaşma nəzarət-buraxılış məntəqəsinə hücum edib, Xəzər flotiliyasının qərargahını ələ keçirmək istəyib. Antiterror bölməsinin hərbçiləri tərəfindən müxtəlif silahların tədbiqilə hücumun qarşısının alınması və şərti düşmənin məhv edilməsi imitasiya olunub.

Məlumatda o da qeyd olunub ki, təlimlərdə 50-dən çox hərbi qulluqçu iştirak edib. Qeyri-qanuni silahlı qruplaşma qismində Xəzər flotiliyasının dəniz piyada qoşunlarının şəxsi heyətindən ibarət dəstə çıxış edib.