23/07/2014 07:47

Silahlı Qüvvələrin Baş Klinik Hospitalında yaralı əsgər üzərində unikal əməliyyat aparılıb

Azərbaycan Silahlı Qüvvələrinin Baş Klinik Hospitalının Ürək-damar Mərkəzində cəbhə bölgəsində güllə yarası almış əsgərin üzərində unikal damar əməliyyatı aparılıb.“AzeriDefence”nin məlumatına görə, bu barədə Baş Klinik Hospitalın Ürək-damar şöbəsinin rəisi, uzman doktor Anar Əmrah bildirib.

Həkimin sözlərinə görə, bir müddət əvvəl cəbhə bölgəsində, səngərdə ümumi yuxu arteriyasının tam qopmasıyla zədələnən əsgər hərbi ambulans helikopteri ilə təcili olaraq hospitala çatdırılıb. Burada aparılmış uğurlu əməliyyatla beyinə gedən yuxu arteriyası əsgərin öz venası ilə əvəz edilərək bərpa olunub. Əsgər 1 ay sonra evinə yola salınıb.

“Riskli olmasına rəğmən öhdəsindən uğurla gəldik. Yaralı əsgərin çənəsindən qəlpə dəyərək arteriyasının böyük qismini qırmışdı. Onun ayağından vena damarından götürərək bərpa elədik”, deyə A. Əmrah vurğulayıb.