30/11/2017 20:44

UVZ-nin tank mühərrikləri seriyalı istehsala hazırdır

Rusiyanın “Uralvaqonzavod” Səhmdar Cəmiyyətinin (UVZ) tanklar üçün hazırladığı gücləndirilmiş yeni dizel mühərrikləri seriyalı istehsala hazırdır.

Bu barədə “AzeriDefence”yə “Rostex” Dövlət Şirkətindən məlumat verilib.

Məlumatda bildirilir ki, yeni V-92S2F indeksli tank mühərrikləri bütün sınaqları müvəffəqiyyətlə keçib və seriyalı istehsala icazə sənədlərini alıb.

Yeni mühərriklər müasirləşdirilən T-72BZ və yeni seriya tanklara quraşdırılması üçün yaradılıb.

Qeyd olunub ki, 1130 at gücündə V-92S2F mühərrikin hərbi texnikalara inteqrasiyası onların çevikliyini və istismar xarakteristikalarını əhəmiyyətli dərəcədə yüksəldib.

Dərin müasirləşdirilməsinə baxmayaraq, V-92S2F sələfi V-92S2 ilə maksimal unifikasiya edilib.

Qeyd edək ki, V-92S2F ilk dəfə “Tank biatlonu” beynəlxalq ordu oyunlarının gedişatında təqdim edilib.