09/09/2017 10:38

Xızıda son 13 gün ərzində aparılan PHS təmizləməsi işləri ilə bağlı məlumat – ANAMA – FOTO

Azərbaycan Respublikası Ərazilərinin Minalardan Təmizlənməsi Üzrə Milli Agentliyin (ANAMA) Xızı rayonu ərazisində yerləşən Müdafiə Nazirliyin hərbi hissəsinin sursat anbarında baş vermiş partlayışla əlaqədar Fövqəladə Hallar Nazirliyi və Daxili İşlər Nazirliyi Daxili Qoşunları ilə birgə keçirilən təmizləmə əməliyyatları davam edir.

Bu barədə “AzeriDefence”yə ANAMA-dan məlumat verilib.

Məlumatda qeyd olunub ki, sentyabrın 8-də yerli sakinlər tərəfindən daxil olmuş zənglərə əsasən Sitalçay, Şurabad və Məşədi Həsən kəndləri ərazisində 3 əkin sahəsinə və suvarma kanalının ətrafına, partlayış baş vermiş hərbi hissənin ətrafına baxış keçirilib, 20 ədəd partlamamış hərbi sursat (PHS), 72 ədəd partlamış-yanmış mərmi qalıqları və 2 kq yandırma aşkar edilərək götürüüb, nəticə etibarilə 3 440 000 kv.m ərazi yoxlanılıb.

Ümumilikdə, 13 gün ərzində 12 ev, 42 evin həyətyanı sahəsinə, 9 ferma ərazisinə, 18 əkin sahəsinə, 8 otlaq sahəsinə, 2 məktəb ərazisinə, 3 dəmiryolu xətininə, 1 rabitə qovşağına, 1 telestudio ərazisinə, 1 kənd qəbirstanlığına, 1 su kanalına, 1 istixanaya, 1 hərbi şəhərciyə, 1 kənd məscidinin yaxınlığına, su stansiyasına, Bakı-Novorossiysk neft kəmərin Xızı rayonundan keçən hissəsinə, balıqçılıq və zeytunçuluq təsərrüfatına, eko-turizmin həyətyanı sahəsinə, dəniz sahilinə, taxıl anbarının yaxınlığına yol kənarına, Samur-Abşeron kanalı istismar idarəsinin Taxta körpü-Ceyranbatan kanalının içərisinə, ətrafına, dükerlərə baxış keçirilib.

Əməliyyatlar zamanı 3 981 ədəd partlamamış hərbi sursat, 2 757 ədəd partlamış-yanmış sursat qalıqları və 2 371 kq yandırma aşkar edilərək götürülüb, nəticə etibarilə 23 318 584 kv.m (2 331.86 ha) ərazi yoxlanılıb.

Bununla yanaşı, Xızı rayonun Giləzi qəsəbəsi, Sitalçay və Şurabad kəndləri ərazisində 5 983 nəfər yerli sakin arasında mina təhlukəsizliyinə dair maarifləndirmə təbliğatı aparılıb.